Metan zapravkalar yana yopilishi kutilmoqda
“Hududgaztaʼminot” AJ bu bo‘yicha ogohlantirish bilan chiqdi.
16–18 fevral kunlari mamlakat bo‘ylab havo haroratining keskin pasayishi va joylarda harorat kunduzi 3–8 daraja, kechasi 11–16 darajagacha sovuq bo‘lishi kutilmoqda.
Sovuq kunlarda gaz isteʼmolining ortishi munosabati bilan, avtomobillarga gaz to‘ldirish shoxobchalaridada navbatlar va noqulayliklar yuzaga kelishini oldini olish maqsadida «Hududgaztaʼminot» aksiyadorlik jamiyati haydovchilardan o‘z avtomobillarini yonilg‘i bilan taʼminlab olishlarini so‘ramoqda.
"Ayni vaqtda mamlakatdagi barcha shoxobchalar 24 soatlik rejimda faoliyat yuritmoqda, biroq yaqin orada mahalliy hokimliklar bilan kelishilgan holda ularning ish grafigiga o‘zgartirishlar kiritilishi mumkin", deyiladi xabarda.
