Qashqadaryoda isteʼmolga yaroqsiz yog‘ ishlab chiqarilayotgani aniqlandi
Holat yuzasidan hozirda tergov boshlangan.
Qashqadaryoda isteʼmolga yaroqsiz yog‘ ishlab chiqarayotgan xonadonlar aniqlandi. Bu haqda Bosh prokuratura huzuridagi Iqtisodiy jinoyatlarga qarshi kurashish departamenti xabar berdi.
Qayd etilishicha, Shahrisabz shahrida fuqarolar Z.N., S.I. va boshqalar o‘z uylarining yordamchi xo‘jaligida tashkil etgan yashirin sexlarda isteʼmolga yaroqsiz yog‘ mahsulotlari ishlab chiqarayotganliklari aniqlangan. Ushbu xonadonlardan jami 274 litr qo‘lbola yog‘, 421 kg chigit, 5 dona elektr dvigatel, juvoz uskunalari va boshqa ishlab chiqarishda foydalanilgan tovar moddiy boyliklari ashyoviy dalil sifatida olingan.
Mazkur holatlar yuzasidan Jinoyat kodeksining 186-2-moddasi (chigitdan olinadigan mahsulotni qonunga xilof ravishda ishlab chiqarish yoki muomalaga kiritish) bilan jinoyat ishlari qo‘zg‘atilib, tergov harakatlari o‘tkazilmoqda.
