Ukraina NATOga qachon qo‘shilishi aytildi
Italiya TIV rahbari bu bo‘yicha bayonot berdi.
Ukraina NATOga urush tugaganidan keyin aʼzo bo‘ladi. Bu haqda Italiya Tashqi ishlar vaziri Antonio Tayani maʼlum qildi.
"Rossiyaga bergan xabarimiz juda aniq. Ukraina Yevropa Ittifoqiga aʼzo bo‘ladi va biz ularning NATOga aʼzo bo‘lishini taʼminlash uchun ham harakat qilamiz. Biroq mamlakat Rossiya bilan urush olib borayotgan bir paytda harbiy alyansga aʼzo bo‘lish mumkin emas", — deydi u.
"Biz juda ehtiyot bo‘lishimiz kerak, chunki Ukrainaning Rossiya bilan urush olib borayotgan bir paytda NATOga to‘liq aʼzo bo‘lishi uchinchi jahon urushi boshlanishini bildiradi", — deya qo‘shimcha qildi Italiya Tashqi ishlar vazirligi rahbari.
