Vazir o‘rinbosari aholi murojaatini o‘rganishga chiqdi
Ozoda Jo‘rayeva aholining issiqlik taʼminoti bilan bog‘liq murojaatiga asosan Chilonzor tumani 7-mavzeda bo‘ldi.
Mazkur mavzedagi 50 ta ko‘p qavatli uylarga hududda tashkil etilgan 1-sonli konsentratsion issiqlik-elektr markazi orqali issiqlik energiyasi yetkazilib beriladi.
Toshkent shahrida kuzatilgan sovuq ob-havo sharoitida gaz bosimining pasayishi ko‘p qavatli uylarning issiqlik taʼminotiga salbiy taʼsir o‘tkazgan.
Vazir o‘rinbosari Ozoda Jo‘rayeva, “Issiqlik elektr stansiyalari” AJ boshqaruvi raisi Bahodir Jo‘rayev hamda hokimlik masʼullari holatni joyiga chiqqan holda o‘rgandilar. Issiqlik-elektr markazining barcha uskunalari soz holatda.
Hozirda gaz bosimi ko‘tarildi va ko‘p kvartirali uylarga issiqlik energiyasi belgilangan tartibda uzatilmoqda.
Ozoda Jo‘rayeva mazkur hududdagi ko‘p kvartirali uylarga xizmat ko‘rsatuvchi “Bog‘iston” BSK faoliyatini ham ko‘zdan kechirdi. Aholiga xizmat ko‘rsatish sifatini yana-da yaxshilash, boshqaruv tashkiloti binosini zarur talablar asosida saqlash bo‘yicha topshiriqlar belgilandi.
