Toshkentda salkam 430 million so‘mlik noqonuniy tamaki mahsulotlari fosh etildi
Bojxonachilar Olmazor va Yashnobod tumanlarida tezkor tadbir o‘tkazdi.
Bojxona qo‘mitasining Toshkent shahar bojxona boshqarmasi Kontrabandaga qarshi kurashish bo‘limi xodimlari tomonidan poytaxtimizning Olmazor tumanida o‘tkazilgan tezkor tadbirda tuman hududida harakatlanib kelayotgan “Damas Labo” rusumli transport vositasi belgilangan tartibda to‘xtatilib ko‘zdan kechirildi.
Ko‘zdan kechiruv davomida mazkur transport vositasida O‘zbekiston Respublikasining aksiz markalari hamda raqamli markirovka kodlari bilan markalanmagan, bojxona rasmiylashtiruvidan o‘tganligini tasdiqlovchi hech qanday hujjatlari bo‘lmagan qiymati 342 million so‘mlik 5 turdagi 24 ming 400 quti tamaki mahsulotlari borligi aniqlandi.
Navbatdagi o‘tkazilgan tezkor tadbirda Yashnobod tumanida “Cobalt” rusumli ko‘zdan kechirilganida, O‘zbekiston Respublikasining aksiz markalari hamda raqamli markirovka kodlari bilan markalanmagan qiymati 87,5 million so‘mlik 2500 quti tamaki vositalari borligi aniqlandi.
Hozirda yuqoridagi holatlar yuzasidan bojxona organlari tomonidan tergovga qadar tekshiruv olib borilmoqda.
