Bayden Navalniyning o‘limi uchun Rossiyaga sanksiya kiritdi
100 ga yaqin tashkilotga yangi eksport cheklovlari joriy qilingan.
AQSH prezidenti Jo Bayden Rossiyaga qarshi 500 dan ortiq yangi sanksiyalarni eʼlon qildi. Bu haqda mahalliy OAV xabar berdi.
"Bugun men Ukrainada davom etayotgan bosqinchilik urushi va Aleksey Navalniyning o‘limi uchun Rossiyaga qarshi 500 dan ortiq yangi sanksiyalarni eʼlon qilaman. Bu sanksiyalar Navalniyning qamoqqa olinishiga aloqador shaxslarga, shuningdek, Rossiyaning moliyaviy va mudofaa sanoati sohalari, xarid tarmoqlari va bir necha davlatlardagi sanksiyalardan bo‘yin tovlagan shaxslarga qaratilgan", — deyiladi uning bayonotida.
Bundun tashqari, ushbu sanksiyalar doirasida "Rossiya urush mashinasi"ni qo‘llab-quvvatlovchi 100 ga yaqin tashkilotga yangi eksport cheklovlari joriy qilindi.
