Qatarda “Hunarmand O‘zbekiston: tolalardagi anʼana” ko‘rgazmasi ochildi
Unda Prezident yordamchisi Saida Mirziyoyeva ham ishtirok etmoqda.
Qatarning Doha shahrida “Hunarmand O‘zbekiston: tolalardagi anʼana” ko‘rgazmasi ochildi. Unda O‘zbekiston Prezidenti yordamchisi Saida Mirziyoyeva ishtirok etmoqda.
"Ushbu tadbirda ham mahalliy, ham mintaqaviy, ham global miqyosda dizayn sohasiga oid ilg‘or tajribalar almashinuvi bo‘lib o‘tadi. Undagi ishtirokimizdan mamnunman.
“Crafting Uzbekistan: Tradition in Threads” ko‘rgazmasida O‘zbekistonning boy hunarmandchilik anʼanalari bilan zamonaviy ijod uyg‘unligini namoyish etmoqdamiz. Ko‘p asrlik tarixga ega hunarmandchiligimizning bebaho merosi bizni anʼana va madaniyatimizni asrab-avaylashga undaydi.
Qatar Muzeylar idorasi vakillariga global madaniy almashinuvni rivojlantirish va badiiy innovatsiyalar yaratish yo‘lidagi harakatlari, shuningdek, Biyennalega taklif uchun minnatdorchilik bildiraman", deb yozgan Mirziyoyeva o‘zining Telegram-kanalida.
