“Toshshahartransxizmat” AJning 5 nafar masʼuli ishdan olindi
Ular o‘z xizmat vazifasiga masʼuliyatsizlik bilan yondashgan.
Avvalroq “7-avtobus saroyi”ga biriktirilgan “Mercedes-Benz” rusumli 33-sonli avtobusda yong‘in sodir bo‘lgani to‘g‘risida xabar berilgandi.
Mazkur holat va poytaxtda avtobuslar ishtirokidagi YTH ko‘payishi yuzasidan “Toshshahartransxizmat” AJ boshqaruvi raisi o‘rinbosari-bosh muhandis J.Mannopov, Idoralararo tezkor shtab boshlig‘i B.Mamenov, DXX xodimlari boshchiligida tezkor yig‘ilish tashkil etildi.
Qayd etilishicha, avtobuslarning texnik holatiga masʼul bo‘lgan, ularning yo‘nalishga chiqish oldi texnik ko‘rigini talab darajasida bajarmay, o‘z xizmat vazifasiga masʼuliyatsizlik bilan yondashgan xodimlarga keskin chora ko‘rilib, 5 nafari ishdan bo‘shatildi.
