Buxoroda 15 yoshli bola onasining ustidan shikoyat qildi
Holat bo‘yicha Bolalar ombudsmani maʼlumot berdi.
Buxoro viloyatida 15 yoshli bola onasining ustidan shikoyat qildi.
Maʼlum bo‘lishicha, M.M. ismli bola onasi unga uzoq vaqt davomida tazyiq o‘tkazib kelgani sababli 2023 yildan buyon onasidan alohida, buvisi qaramog‘ida yashab kelgan. U otasi aliment majburiyatlarini o‘z vaqtida bajarmagani uchun ozodlikdan mahrum qilinganini bildirib, singlisi va o‘zini onasi qaramog‘iga berilishiga yo‘l qo‘ymaslik masalasida amaliy yordam so‘ragan.
Bolalar ombudsmanining so‘rovi asosida Ijtimoiy himoya milliy agentligi tomonidan mazkur oilaning ijtimoiy vaziyati atroflicha o‘rganilgan.
Jumladan, Buxoro viloyati Jondor tumani “Inson” ijtimoiy xizmatlar markazining holatni o‘rganish davomida haqiqatdan ham bolaning ustun manfaatlarini ona emas, buvisi taʼminlay olishi to‘g‘risidagi xulosasi asosida M.M. Buxoroda 15 yoshli bola Ombudsmanga onasidan shikoyat qildi.
"Mazkur oilaning ijtimoiy masalalari kelgusida ham bolalar ombudsmani va mutasaddilar kuzatuvi ostida bo‘lib, zarur hollarda tegishli ko‘mak ko‘rsatish choralari ko‘riladi", — deyiladi xabarda.
