Toshkentda mebel sexi yonib ketdi
Holat bo‘yicha rasmiy maʼlumot berildi.
Bugun, 27-fevral kuni Toshkent shahri Chilonzor tumanida joylashgan mebel ishlab chiqarish sexida yong‘in sodir bo‘lgan.
Yong‘inga soat 00:17 da yong‘in-qutqaruv ekipajlari yetib borib, yong‘in soat 01:29 da o‘rab olingan va soat 05:52 da to‘liq bartaraf etilgan.
Yong‘inni bartaraf etishga 18 ta asosiy, 2 ta maxsus yong‘in-qutqaruv ekipaji va 5 ta suv tashuvchi yordamchi avtomobillar jalb etilgan.
Yong‘in-qutqaruvchilarning saʼy-harakatlari natijasida 5 nafar ishchi yong‘indan qutqarilib, tez tibbiy yordam xodimlariga topshirilgan.
Yong‘in oqibatida halok bo‘lganlar yo‘q. Yong‘in sababi va moddiy zarar miqdori aniqlanmoqda.
Mazkur holat yuzasidan dastlabki tergovoldi surishtiruv ishlari olib borilmoqda.
Voqea joyiga FVV rahbariyati, Toshkent shahar FVB boshlig‘i va o‘rinbosarlari, IIB, Prokuratura, “Hududgaztaʼminot” va SSB, tuman FVB rahbar va xodimlari chiqishgan.
