"Putinni mag‘lub etish uchun yevropalik parlamentariylar Navalniyning o‘zi kabi innovator bo‘lishlari kerak"
Aleksey Navalniy turmush o‘rtog‘i Yevroparlamentda nutq so‘zladi.
28 fevral kuni rossiyalik muxolif siyosatchi Aleksey Navalniyning bevasi Yuliya Navalnaya Yevroparlamentning yalpi majlisida so‘zga chiqdi.
Yuliya Navalnayaning nutqidan asosiy iqtiboslar:
◾️Alekseyning jasadini xavfsizlik kuchlaridan olish uchun bir haftalik kurash ketdi;
◾️Putinni mag‘lub etish uchun yevropalik parlamentariylar Navalniyning o‘zi kabi innovator bo‘lishlari kerak, chunki joriy qilingan sanksiyalar Putinni to‘xtata olmaydi. Shuningdek, uning atrofidagilarga qarshi tergov o‘tkazish kerak;
◾️Putin bilan muzokara qiladigan hech narsa yo‘q. Uni prinsipial yoki axloqli odam sifatida qabul qilib bo‘lmaydi, u "qonxo‘r yirtqich", "jinoiy guruh rahbari";
◾️Yevropa Ittifoqi Rossiya Federatsiyasining amaldagi hukumatiga qarshi chiqqan oddiy fuqarolarni taʼqib qilmasligi kerak, aksincha, ular bilan hamkorlik qilish kerak;
◾️Aleksey Navalniyning kelajakdagi go‘zal Rossiya haqidagi orzusini ro‘yobga chiqarish uchun qo‘limdan kelgan barcha ishni qilishga vaʼda beraman.
