Maktabga qalbaki qurol olib kelgan o‘quvchining onasi javobgarlikka tortildi
Ijtimoiy tarmoqlarda Toshkent shahridagi 142-sonli maktabning 8-sinf o‘quvchisi maktabga qalbaki qurol bilan kelgani aks etgan fotosurati va xabar tarqaldi.
Maktabgacha va maktab taʼlimi boshqarmasiga ko‘ra, Mirzo Ulug‘bek tumanidagi 142-sonli umumtaʼlim maktabi 8-“B” sinf o‘quvchisi I.A. o‘yinchoq to‘pponchani beliga qistirib, sinf doskasi oldida turgan holatidagi fotosuratini Instagram sahifasiga joylangan.
Keyinchalik bu fotosurat boshqa ijtimoiy tarmoq sahifalarida tarqalib, ko‘pchilikning muhokamasiga sabab bo‘lgan.
Mazkur holatdan so‘ng maktab maʼmuriyati tomonidan “Oqqo‘rg‘on” MFY inspektori, ota-onalar ishtirokida yig‘ilish o‘tkazilgan. O‘quvchining onasi holat yuzasidan Maʼmuriy javobgarlik kodeksining 47-moddasiga asosan javobgarlikka tortilgan. O‘quvchining o‘yinchoq to‘pponchasi mahalla inspektori tomonidan olib qo‘yilgan.
