Polsha Rossiya mahsulotlari importini taqiqlashi mumkin
Bu haqda mamlakat bosh vaziri maʼlum qildi.
Polsha Latviya kabi Rossiyadan qishloq xo‘jaligi mahsulotlari importini taqiqlashi mumkin. Bu haqda bosh vazir Donald Tusk maʼlum qildi.
"Latviya Rossiyadan qishloq xo‘jaligi mahsulotlari importiga embargo joriy etishga qaror qildi. Biz Latviyadagi vaziyatni tahlil qilamiz va men Polsha ham xuddi shunday tashabbus bilan chiqishini istisno etmayman", — deya taʼkidladi u.
Hukumat bu masalani norozilik bildirayotgan fermerlar bilan uchrashuvda muhokama qilishni rejalashtirmoqda.
Eslatib o‘tamiz, 23 fevral kuni Latviya Rossiya va Belarusdan qishloq xo‘jaligi mahsulotlari va chorva ozuqalarini olib kirishni taqiqlagandi.
