Ilk marta o‘pka va jigar transplantatsiyasi baravar amalga oshirildi
Mazkur operatsiya 18 soat davom etgan.
Yaponiyaning Kioto universiteti kasalxonasi tirik donorlardan bir vaqtning o‘zida o‘pka va jigar transplantatsiyasini amalga oshirdi. Operatsiya 2023 yil 15 noyabrda bo‘lib o‘tgan. Bu irsiy kasallikka chalingan 10 yoshli bolada amalga oshirilgan, unga o‘pkasining bir qismini ota-onasi, jigarining bir qismini bobosi bergan.
Operatsiya to‘rtta operatsiya xonasida 18 soat davom etdi va professor Date Xiroshi rahbarligida 30 dan ortiq shifokorlar jalb qilindi. Hozirda Kanto viloyatida yashovchi bemorning ahvoli yaxshilanmoqda. Operatsiyadan ikki yarim oy o‘tgach, u kislorod ballonisiz yura oldi. 1 mart kuni u kasalxonadan chiqarilgan. Ota-onasi va bobosi ham normal hayotga qaytishdi.
Kasalxona maʼlumotlariga ko‘ra, ilgari xorijda vafot etgan insonlardan bir vaqtning o‘zida o‘pka va jigar transplantatsiyasi amalga oshirilgandi. Buning kamida 20 ta holati qayd etilgan. Tirik donorlar bilan amalga oshirilgan operatsiya esa yangi terapevtik variant hisoblanadi.
