"Ular oʻzlarini toʻlaqonli namoyon etib, maqsadlari yoʻlida dadil qadam qoʻymoqdalar"
Saida Mirziyoyeva bir qator faol xotin-qizlar bilan uchrashdi.
8-mart Xalqaro xotin-qizlar kuni munosabati bilan prezident maslahatchisi Saida Mirziyoyeva turli sohalarda faollik ko'rsatib kelayotgan xotin-qizlar bilan uchrashdi.
— Yurtimizda ana shunday samimiy, mehribon, matonatli, qatʼiyatli xotin-qizlar koʻpligidan xursandman. Ular oʻzlarini toʻlaqonli namoyon etib, maqsadlari yoʻlida dadil qadam qoʻymoqdalar. Muammolarni koʻtarishdan choʻchimaydigan, ularni hal etishga intilib, bugunimiz va kelajagimizni oʻzgartirishga hissa qoʻshayotgan har bir opa-singlimizga minnatdorlik bildiraman — dedi Mirziyoyeva.
Shuningdek, prezident maslahatchisi o'zining telegram kanalida mazkur uchrashuv davomida madaniy, ijtimoiy va boshqa sohalarda tez-tez uchrayotgan, hali ham yechimini topmagan muammolar muhokama qilingani haqida yozgan.
