Bayram kunida metroda yana nosozlik yuz berdi
Holatga rasmiylar munosabat bildirdi.
Ijtimoiy tarmoqlarda Chilonzor metro bekatida harakat tarkibi to‘xtab qolgani aytilgan xabarlar tarqaldi.
Rasmiy xabarga ko‘ra, bugun, 8 mart kuni soat 16:48 da Chilonzor bekatidan harakatlanishi lozim bo‘lgan 23-sonli harakat tarkibining kompressorida havo bilan taʼminlanishida qisqa uzilishlar bo‘lganligi sababli, belgilangan yo‘riqnomaga asosan, mashinist tomonidan yo‘lovchilar va harakat xavfsizligini taʼminlash maqsadida, yo‘lovchilar bekatga tushirilgan. Shundan so‘ng ortdan kelayotgan 22-sonli harakat tarkibi orqali tirkamaga olingan holda tekshiruv yo‘lagi tomon yuborilgan.
Hozirgi vaqtda yo‘nalishdagi poyezdlar belgilangan jadval bo‘yicha harakatlanmoqda.
