Sunʼiy intellektga ega IELTS Mock platformasi yaratildi
U orqali test topshirib, natijalarni bepul bilib olish mumkin.
Toshkent shahridagi Inha universiteti talabalari Behzod Shuhratov va Javohir Shomuratov ingliz tilidan bilim darajasini onlayn aniqlash imkoniyatini beruvchi Examy.uz - IELTS Mock platformasini ishlab chiqishdi.
Bu platformada foydalanuvchilar IELTSning har to‘rtala — Listening, Reading, Writing hamda Speaking qismlarida test topshiradilar va taxminiy IELTS darajalarini bilib olishlari mumkin.
Platforma afzalliklari:
- testni to‘liq yoki har bir qismni alohida topshirish mumkin ;
- natijalar 1 daqiqa ichida maʼlum bo‘ladi;
- xatolarni ko‘rish va tavsiyalar olish;
- istalgan joydan turib kompyuter yoki telefonda test topshirish imkoniyati bor.
