O‘zbekistonliklar nosoz avtobusdan evakuatsiya qilindi
Qozog‘istonning Aqto‘be viloyatida nosozlik tufayli to‘xtab qolgan avtobusdan O‘zbekiston va Tojikiston fuqarolari evakuatsiya qilindi.
Voqea haqida 10-mart kuni mamlakat FVV matbuot xizmati xabar berdi.
Ma’lum qilinishicha, texnik nosoz avtobus Qorabutak-Komsomol-Kostanay avtomobil yo‘lining 80-kilometrida to‘xtab qolgan. Unda O‘zbekiston va Tojikistondan bo‘lgan 17 nafar fuqaro bo‘lgan.
Ular yaqin atrofdagi masjidga evakuatsiya qilingan. Fuqarolar tibbiy yordamga muhtoj bo‘lmagan.
14-yanvar kuni Qozog‘istonning Aqto‘be viloyatida nosozlik tufayli to‘xtab qolgan avtobusdan 55 nafar o‘zbekistonlik evakuatsiya qilinga edi. 15-fevral kuni esa Aqmo‘la viloyatida avtobus buzilishi oqibatida yo‘lda qolib ketgan 27 nafari o‘zbekistonlik evakuatsiya qilinga edi.
