AQSH va Daniya Ukrainaga yordam ajratilishi haqida eʼlon qildi
AQSH prezidenti Jo Bayden Ukrainaga favqulodda harbiy yordam ajratishga qaror qildi, chunki Kongressning Vakillar palatasi kattaroq miqdorda yordam paketini nazarda tutuvchi qonun loyihasini qilishda davom etmoqda.
"Bugun men prezident Jo Bayden nomidan Ukrainaning shoshilinch ehtiyojlarini qondirish uchun 300 million dollarlik qurol-yarog‘ va jihozlardan iborat favqulodda xavfsizlik paketini eʼlon qilaman", — deya maʼlum qildi AQSH prezidentining Milliy xavfsizlik bo‘yicha maslahatchi Jeyk Sallivan.
"Pentagon o‘zining baʼzi shartnomalarini qayta ko‘rib chiqdi, bu esa Ukrainaga yordam ko‘rsatish imkoniyatini yaratdi. Shu bilan birga, AQSH harbiylariga Kiyevga berilgan qurollarining o‘rnini to‘ldirish uchun hali ham kamida 10 milliard dollar kerak", — deb yozadi Associated Press.
Shuningdek, 12 mart kuni Daniya Ukrainaga 308 million yevrolik harbiy yordam paketini taqdim etishi eʼlon qildi.
Bu Daniya tomonidan Kiyevga ajratilgan 16-yordam paketi bo‘lib, u Caesar artilleriya qurilmalari, 120 mm.lik o‘ziyurar minomyotlar va o‘q-dorilarni o‘z ichiga oladi.
