Ikki oyda eng ko‘p soliq to‘lagan yirik soliq to‘lovchilar maʼlum qilindi
2024-yil yanvar-fevral oylarida 2 186 ta yirik soliq to‘lovchilar tomonidan 17 trillion so‘mdan ortiq soliq tushumlari amalga oshirildi.
Soliq qo‘mitasi xabariga ko‘ra, shundan 8,7 trillion so‘mi davlat ulushi mavjud top-10 ta yirik soliq to‘lovchi hisobiga to‘g‘i keladi. Ushbu o‘nlikda soliq to‘lovlari bo‘yicha “Navoiy kon metallurgiya kombinati” yetakchilik qilmoqda – 4,5 trillion so‘m.
Yirik soliq to‘lovchilar: “Olmaliq kon-metallurgiya kombinati” – 1,3 trillion so‘m; “Hududgaztaʼminot” – 677,9 milliard so‘m; “O‘zbekneftgaz” – 525,9 milliard so‘m; Uzbektrade – 523,9 milliard so‘m.
1,3 trillion so‘mi xususiy sektordagi top-10 yirik soliq to‘lovchilar hisobiga to‘g‘ri keladi. Reytingda UZ BAT – 436 milliard so‘m soliq tushumlarini amalga oshirgan holda eng yuqori ko‘rsatkich qayd etgan.
