Tojikistonda sovuq tufayli 15 kishi vafot etdi

Oxirgi voqea 5 martga o‘tar kechasi sodir bo‘lgan, isinishga urinib pechka yoqqan uch oila aʼzosi is gazidan vafot etgan. Dushanbeda esa 2 mart kuni xuddi shunday sharoitda 4, 3 va bir yashar bolalar o‘limi qayd etilgan. 

 

Voqea joyini dastlabki ko‘zdan kechirish natijasida yong‘inga radiator (isitgich) sabab bo‘lgani aniqlangan. Bundan bir necha kun avval, 27 fevraldan 28 fevralga o‘tar kechasi Dushanbe shahrining Firdavsiy tumanida bir oilaning olti nafar aʼzosi is gazidan vafot etgan.

 

2023 yilda 7 dekabrdan 8 dekabrga o‘tar kechasi Dushanbening Ismoili Somoniy tumanida yana bir oila xuddi shunday fojiani boshidan kechirgan, jumladan, 42 yoshli ayol va uning ikki qizi o‘z uyida is gazidan zaharlangan holda topilgan.

 

Bunday fojialar ayniqsa elektr taʼminoti tartibsiz yoki beqaror bo‘lgan sharoitlarda asosan isitish moslamalaridan noto‘g‘ri foydalanish tufayli sodir bo‘lmoqda, — deydi Favqulodda vaziyatlar va fuqaro mudofaasi qo‘mitasi matbuot markazi rahbari Umeda Yusufiy.

 

Uning so‘zlariga ko‘ra, bu hodisalar isitish moslamalari va pechkalardan xavfsiz, to‘g‘ri foydalanish bo‘yicha aholining xabardorligini oshirish zarurligini ko‘rsatadi.