Endi qon testi orqali yurak xurujini aniqlash mumkin
Britaniyalik olimlar bu bo‘yicha tadqiqot o‘tkazishdi.
Oksford universiteti olimlari yurak yetishmovchiligidan o‘lish xavfi yuqori bo‘lgan odamlarni aniqlashning yangi usulini ishlab chiqdi. Buning uchun ular qon testidan foydalanishni taklif qilishdi.
Tadqiqotda tadqiqotchilar turli darajadagi yurak yetishmovchiligi bo‘lgan 800 dan ortiq odamlarning sog‘lig‘i haqidagi maʼlumotlarni tahlil qilishdi. Bemorlardan qon namunalari, shuningdek, qon bosimi o‘lchovlari va ekokardiyogramlar olindi.
Olimlar neyropeptid Y (NPY) deb nomlangan oqsilga eʼtibor qaratdilar. Ushbu protein miqdori yuqori bo‘lgan odamlarda uch yil ichida yurak xurujidan o‘lish xavfi boshqalarga qaraganda 50 foiz ga yuqori bo‘lgan.
Neyropeptid Y - stress gormoni. U yurak-qon tomir tizimining neyronlarida topilgan. Olimlarning fikricha, tana haddan tashqari stressga javoban uni ajratishni boshlaydi.
Gormon yurak ritmining buzilishiga olib kelishi va yurak mushaklaridagi kichik qon tomirlarining yopilishiga olib kelishi mumkin. Natijada yurak stressni kuchaytira boshlaydi.
Olimlarning qayd etishicha, yangi usul xavf ostida bo‘lgan odamlarni oldindan aniqlash va o‘z vaqtida davolash imkonini beradi.
