Ozarbayjon bilan energetika sohasida hamkorlik yanada chuqurlashtiriladi
Bu bo‘yicha Prezident qarori qabul qilindi.
“Xalqaro shartnomani tasdiqlash to‘g‘risida”gi Prezident Qarori qabul qilindi.
Qarorga ko‘ra, O‘zbekiston va Ozarbayjon Respublikasi Hukumatlari o‘rtasida energetika sohasida hamkorlikni yana-da chuqurlashtirish to‘g‘risidagi Bitim tasdiqlandi.
Bitim 2023 yil 22 avgust kuni Boku shahrida imzolangan.
Energetika vazirligi mazkur xalqaro shartnomani amalga oshirish uchun masʼul bo‘lgan vakolatli organ etib belgilandi.
Vazirlar Mahkamasi hamda tegishli vazirlik va idoralarning rahbarlari ushbu xalqaro shartnoma kuchga kirganidan keyin O‘zbekistonning majburiyatlari bajarilishi ustidan belgilangan tartibda nazoratni taʼminlaydi.
