Rossiyadagi terakt bo‘yicha gumonlanuvchilar sud zalida — foto
Ulardan birining ko‘zi yumuq, yana birining qulog‘i kesilgan, boshqalarining yuz va ko‘zlari ko‘kargan.
24 mart kuni Moskvaning Basman sudida tergovning "Krokus Siti Holl"dagi konsert zalida 22 mart kuni sodir etilgan terakt ishi bo‘yicha to‘rt figurantni qamoqqa olish bo‘yicha so‘rovi ko‘rib chiqildi. FXX gumonlanuvchilar 23 mart kuni Bryansk oblastida ushlanganini maʼlum qilgan: ular mashinada Rossiya-Ukraina chegarasi tomon harakatlangani aytilgan. Shundan keyin z-kanallarda to‘rt gumondordan ikki nafari Rajabalizoda Saidakrami Murodali va Shamsiddin Fariduni so‘roq vaqtida qiynoqqa solingani aks etgan foto va videolar tarqaldi. Propagandachi Margarita Simonyan "guruh rahbari" deb atagan Dalerjon Mirzoyev hamda Rajabalizoda Saidakrami Murodali avvalroq tergov izolyatoriga yuborilgandi. Quyida sud zalidan asosiy kadrlar keltiriladi.
Dalerjon Mirzoyev Basman sudida majlis zaliga olib kirilmoqda. 32 yoshli Dalerjon Mirzoyev — Tojikiston fuqarosi, to‘rt nafar voyaga yetmagan farzandi bor. Tergov maʼlumotiga ko‘ra, uning Novosibirskdagi vaqtincha turish muddati o‘tib ketgandi. U aybiga to‘liq iqror bo‘lgan.
Rajabalizoda Saidakrami Murodali zalga olib kirilmoqda. Kuchishlatar tuzilmalar xodimlari aynan uning qulog‘ini kesib, og‘ziga solib qo‘yishgandi.
Rajabalizoda Saidakrami Murodali.
Terakt sodir etishda ayblanayotganlarning uchinchisi — Shamsidin Fariduni. Z-kanallar uni tok bilan qiynashayotgani aks etgan fotoni namoyish etgan.
To‘rtinchi ayblanuvchi — Muhammadsobir Fayzovni sud zaliga kreslo-zambilda olib kelishgan. U atrofdagi voqealarga hech qanday reaksiya ko‘rsatmagan.
