Baxtiyor Saidov AQSH Vakillar palatasi delegatsiyasini qabul qildi
Delegatsiya tarkibidan AQSH Vakillar palatasi aʼzolari — Mayk Rojers, Adam Smit, Salud Karbaxal va Veronika Eskobar o‘rin oldi. Ular Tashqi ishlar vazirligida qabul qilingan.
"Bugun biz O‘zbekistonning – AQSH strategik sherikligida yangi imkoniyatlarning ochilishiga guvoh bo‘lmoqdamiz. Amerikalik hamkorlarimizning nafaqat parlamentlararo do‘stlik rishtalarini rag‘batlantirishda, balki biznes aloqalarni rivojlantirishdan tortib, taʼlimdagi sheriklikkacha bo‘lgan ko‘plab sohalarda ham qo‘llab-quvvatlashini qadrlaymiz", — dedi Baxtiyor Saidov.
Uning qayd etishicha, O‘zbekiston AQSHning barcha shtatlari bilan, ayniqsa, iqtisodiy yo‘nalishda to‘g‘ridan to‘g‘ri aloqalarni rivojlantirishdan manfaatdor.
