Farzandini boshqa bola bilan urishtirgan ota qamaldi
Shuningdek, unga salkam 3,5 mln jarima tayinlangan.
Avvalroq Toshkent shahrining Uchtepa tumanida ota o‘z farzandini boshqa bolani urishga majburlagani haqida xabar berilgandi. Holat yuzasidan Bolalar ombudsmani qo‘shimcha maʼlumot eʼlon qildi.
Qayd etilishicha, Maʼmuriy javobgarlik to‘g‘risidagi kodeksning 183 (mayda bezorilik) hamda 188-1-moddasida (Voyaga yetmagan shaxsni maʼmuriy huquqbuzarlik sodir etishga jalb qilish) nazarda tutilgan huquqbuzarlikni sodir etgan otaga Jinoyat ishlari bo‘yicha Uchtepa tumani sudi tomonidan 10 sutka maʼmuriy qamoq va BHMning 10 baravari — 3 million 400 ming so‘m jarima jazosi tayinlandi.
