Zelenskiy eng yaqin odamini ishdan bo‘shatdi
Hozircha ishdan olinish sabablari ochiqlanmagan.
Ukraina Prezidenti Vladimir Zelenskiy o‘zining eng yaqin sheriklaridan biri Sergey Shefirni prezident yordamchisi lavozimidan ozod qildi.
U, shuningdek, prezidentning uch nafar shtatdan tashqari maslahatchisi - Mixail Raduskiy, Sergey Trofimov va Oleg Ustenkoni ishdan bo‘shatdi. Bundan tashqari, Ukraina Prezidentining farmoni bilan harbiylar huquqlarini taʼminlash masalalari bo‘yicha komissari Alena Verbiskaya va ko‘ngillilar faoliyati bo‘yicha komissar Natalya Pushkareva o‘z lavozimlaridan ozod etildi. Ishdan bo‘shatish sabablari ochiqlanmagan.
Eslatib o‘tamiz, 29 mart kuni Zelenskiy prezident devonxonasi rahbari o‘rinbosarlari Andrey Smirnov va Aleksey Dneprovni ishdan bo‘shatgandi. Bundan biroz oldin Ukraina prezidenti Aleksey Danilovni Milliy xavfsizlik va mudofaa kengashi kotibi lavozimidan ozod qilgandi. Keyinroq Danilov Ukrainaning Moldovadagi elchisi etib tayinlangani xabar qilindi.
