Toshkentda yana metro to‘xtab qoldi
Maʼlum qilinishicha, 36 yildan beri ishlatilayotgan poyezdda nozoslik kuzatilgan.
Ijtimoiy tarmoqlarda Chilonzor metro bekatida poyezd to‘xtab qolgani haqida xabarlar tarqalmoqda. Holat yuzasidan metropoliten rasmiy munosabat bildirdi.
Qayd etilishicha, bugun soat 11:48 lar atrofida metro yo‘nalishlarida qariyb 38 yildan buyon foydalanib kelinayotgan 21-sonli harakat tarkibining kompressorida havo bilan taʼminlanishida qisqa uzilishlar kuzatilgan. Shu boisdan, belgilangan yo‘riqnomaga asosan, mashinist tomonidan yo‘lovchilar va harakat xavfsizligini taʼminlash maqsadida yo‘lovchilar Chilonzor bekatiga tushirilgan. Shundan so‘ng ortdan kelayotgan boshqa harakat tarkibi orqali tirkamaga olingan holda tekshiruv yo‘lagi tomon yuborilgan.
Hozirgi vaqtda yo‘nalishda poyezdlar harakati belgilangan jadval asosida amalga oshirilmoqda.
