Lukashenko Belarus urushga tayyorlanayotganini aytdi
“Biz urushga tayyorlanyapmiz, men bu haqda ochiq aytaman”, dedi u.
Belarus prezidenti Aleksandr Lukashenko uning mamlakati urushga tayyorlanayotganini aytdi. Bu haqda u Grodnoga safari chog‘ida gapirdi.
Lukashenko Minsk o‘zining tinch kelajagini qurishni istashini va faqat bunyodkorlik tarafdori ekanini taʼkidlagan.
“Biz urushga tayyorlanyapmiz, men bu haqda ochiq aytaman. "Agar siz tinchlikni xohlasangiz, urushga tayyorlaning" - men buni o‘ylab topmadim. Bu juda to‘g‘ri aytilgan gap”, — dedi Belarus prezidenti.
Uning so‘zlariga ko‘ra, mamlakatda tegishli tayyorgarlik ishlari olib borilmoqda, biroq Minsk hech kimga tahdid qilmayapti.
Eslatib o‘tamiz, bundan oldin u Belarus va Rossiya NATO qo‘shinlarining Belarus chegarasida to‘planishi sababli bo‘shashmasligi kerakligini aytgandi.
