Yerga katta asteroid yaqinlashmoqda
U bir necha kunlardan so‘ng sayyora yonidan uchib o‘tadi.
Diametri 122 metr bo‘lgan 2024 FH2 asteroidi Yer tomon uchmoqda. NASA reaktiv harakat laboratoriyasi maʼlumotlariga ko‘ra, u 7 aprel kuni sayyora yonidan uchib o‘tadi.
Asteroid soatiga 71 ming kilometrdan ortiq tezlikda harakatlanib, Yerga 6,2 million kilometr masofada yaqinlashadi. Asteroidning yaqinlashish vaqtidagi sayyoragacha bo‘lgan masofasi va kattaligi uni potensial xavfli deb tasniflashga asos bermaydi.
NASA maʼlumotlariga ko‘ra, asteroidning Yerga bundan oldingi yaqinlashishi 1935-yilda yuz bergan va uning keyingi yaqinlashuvi 2113-yilda bo‘ladi.
