Prezident maktabi bitiruvchisi Harvardga o‘qishga kirdi
U, shuningdek, IELTS imtihonidan 8,5 ball olgan.
Toshkent shahridagi Prezident maktabi o‘quvchisi Abdulaziz Sobirov 354 000 dollarlik grant bilan Harvard universitetiga o‘qishga qabul qilindi.
Shuningdek, Abdulaziz AQSHning bakalavriat kollejlari orasida 11-o‘rinni egallaydigan Grinnell kollejining 300 000 dollarlik grant asosidagi qabul xatini ham qo‘lga kiritgan.
Abdulaziz Sobirov IELTS imtihonidan 8,5 ball hamda SAT xalqaro imtihonidan 1560 ball sohibidir. Shuningdek u “Zakovat o‘quvchilar ligasi” 2022-2023 mavsumi mutlaq g‘olibi — “Et Cetera” jamoasi aʼzosi, PIIMA “Zakovat” turniri bo‘yicha 2-o‘rin sohibi, “Vice-head of The United students” vitse-prezidenti hamda PSAD klubi asoschilaridan biri hisoblanadi.
