Bekobodda 5-qavatdan qulab vafot etgan ayolning eri ushlandi
Marhumaga uch marta himoya ordeni berilgan.
Bekobod tumanida eri bilan janjal vaqtida 5-qavatdan o‘zini tashlab vafot etgan ayolning eri ushlandi. Avvalroq uning qo‘shnilari ayol pastga tushib ketishi oldidan "yashashni istamayman, kaltaklaringdan to‘yib ketdim", deya baqirganini eshitganini aytishgandi.
27 mart kuni holat yuzasidan jinoyat ishi qo‘zg‘atilgan.
4 aprel kuni Bosh prokuratura matbuot kotibi Hayot Shamsutdinovning maʼlum qilishicha, jinoyat ishi doirasida marhuma ayolning turmush o‘rtog‘i protsessual tartibda ushlandi. Hozirda tergov harakatlari davom etmoqda.
Eslatib o‘tamiz, tumanning Dalvarzin mahallasida yashagan 28 yoshli N.X. eri bilan navbatdagi janjal vaqtida o‘zini ko‘p qavatli uydan tashlab, joniga suiqasd qilgan.
Ayolga uch marta, so‘nggi bor 6 mart kuni himoya orderi berilgan. Unda keltirilishicha, tazyiq o‘tkazilgan yoki zo‘ravonlik sodir etilgan taqdirda er va ayolning bir xonadonda bo‘lishi taqiqlangan.
