Setora guruhi yana ijodga qaytmoqda
Bu haqda guruh aʼzo Laylo Galiyeva maʼlum qildi.
Musiqiy guruh aʼzosi Laylo Galiyeva Instagram sahifasi orqali muxlislar uzoq kutgan xushxabar bilan bo‘lishdi. Maʼlum bo‘lishicha, guruh 20 yildan keyin yana birlashishga qaror qilgan.
Ijtimoiy tarmoqqa joylangan videoda Laylo Galiyeva, Feruza Latipova va Kamilla Xo‘jayevani Dubay shahrida birgalikda dam olayotganini ko‘rish mumkin.
"20 yildan keyin Setora guruhi yana birga bo‘ldi. Biz bu yerga nafaqat dam olish, balki qalbimizni yangi ohanglar bilan to‘ldirish uchun kelganmiz", deya izoh video ostiga.
Maʼlumot uchun, Setora guruhi 1998 yili dastlab Setanho nomi ostida sinfdoshlar tomonidan tashkil etilgan. Guruhning „Sen borsan“, „Ohim“, „Ajdodlar ruhi“, „Eshitmaydi“, „Xayr maktabim“ qo‘shiqlari eng ommabop xitlar hisoblanadi.
