Toshkent aeroportida gul do‘koni ochildi
U boshqa savdo nuqtalari kabi 24 soat ishlaydi.
Bugun, 13 aprel kuni Toshkent aeroportining uchib kelish zonasidagi kutib oluvchilar pavilyonida "Air Flowers" brendi ostidagi gul do‘koni ish boshladi.
Maydoni 17 kvadrat metr bo‘lgan chakana savdo shoxobchasi E-auksion.uz elektron platformasidagi savdolar orqali o‘tkazildi. Do‘kon assortimentida ham tayyor guldastalar, ham alohida gullar mavjud bo‘lib, sotuvchi ulardan mijozning xohishiga ko‘ra guldasta yig‘ishi mumkin. Gullarni kerakli holda saqlash uchun barcha gullar tegishli havo harorati bo‘lgan maxsus kichik xonada saqlanadi. Gul do‘konida guldastalardan tashqari yumshoq o‘yinchoqlar, qutilar va sovg‘alarni o‘rash materiallari mavjud.
Poytaxt xalqaro aeroportidagi barcha savdo nuqtalari kabi gul do‘koni ham 24 soat davomida ishlaydi. To‘lov uchun milliy va xalqaro bank kartalari hamda naqd pul (o‘zbek so‘mi) qabul qilinadi. Shuningdek, kutib oluvchilar zalida qahva punkti, bankomatlar va mobil qurilmalarni quvvatlantirish stansiyasi mavjud.
