Toshkent viloyatida sartarosh mijozga jahl qilib, uning sochini qirib tashladi
Holat yuzasidan IIBB rasmiy munosabat bildirdi.
Ijtimoiy tarmoqda sartarosh mijozlardan biriga hurmatsizlik qilib, unga qo‘pol munosabatda bo‘lgani aks etgan video tarqaldi.
Videodan maʼlum bo‘lishicha, sartarosh yigitga bir necha marotaba tanbeh berib, uning sochini qirib tashlagan va xohlagan joyiga shikoyat qilishi mumkinligini aytgan.
Rasmiy xabarga ko‘ra, holat 2022 yilning oktyabr oyida Toshkent viloyatida sodir bo‘lgan va internetga tarqalgunga qadar yoki o‘tgan davr mobaynida IIOga murojaat kelib tushmagan.
Sartaroshning xatti-harakatlari Toshkent viloyati IIBB nazoratida tuman ichki ishlar organlari xodimlari tomonidan o‘rganilgan va qonuniy chora ko‘rilishi taʼminlanmoqda.
"Holat yuzasidan belgilangan tartibda qonuniy chora ko‘rilib, natijasi bo‘yicha jamoatchilikka axborot beriladi", deyiladi xabarda.
