Xorazmlik qiz o‘zini cho‘ktirib, joniga qasd qilmoqchi bo‘ldi
Milliy gvardiya xodimlari uni qutqarib qolgan.
Bugun ijtimoiy tarmoqda Xorazm viloyatida nomaʼlum shaxs o‘zini suvga tashlab, joniga qasd qilmoqchi bo‘lgani aks etgan videolar tarqaldi.
Maʼlumotlarga ko‘ra, ushbu holat Urganch shahrining Qaychili mahallasi hududida yuz bergan. Oilaviy muammolar sabab qiz o‘zini Shovot kanaliga tashlab, o‘ldirmoqchi bo‘lgan.
Voqeadan xabar topgan Milliy gvardiya xodimlari darhol suvga tushib, qizni qutqarib qolishga muvaffaq bo‘lishgan.
Hodisa aynan qachon yuz bergani hozircha aniq emas, bu bo‘yicha hali rasmiy munosabat bildirilmadi.
