Angrendagi maktab “Telefonsiz maktab” loyihasida yutdi
Direktorga vaʼda qilingan 300 mln topshirildi.
Toshkent viloyati Angren shahridagi maktab "Telefonsiz maktab" loyihasida faol qatnashgani uchun 300 million mukofotni qo‘lga kiritdi.
Maʼlumotlarga ko‘ra, Angrendagi 17-umumiy o‘rta taʼlim maktabida "Otalar uchrashuvi" bo‘lib o‘tgan. Uchrashuvda Toshkent viloyati hokimi Zoyir Mirzayev, nuroniylar, o‘quvchilarning otalari, vasiylari, pedagoglar, OAV vakillari va blogerlar ishtirok etgan.
Qayd etilishicha, ushbu maktab 50 kundan buyon yangi loyihani faol tatbiq qilib kelmoqda.
Zoyir Mirzayev o‘z nutqida bugungi kunda dunyoda yuz berayotgan voqealar, mamlakatda taʼlim tizimiga qaratilayotgan eʼtibor, maktab va oila hamkorligining dolzarbligi, farzand tarbiyasida otaning o‘rnini alohida taʼkidlagan.
