Poytaxning ayrim hududlarida vaqtincha “svet” o‘chiriladi
Bu haqda "Toshkent shahar elektr tarmoqlari" maʼlum qildi.
Isteʼmolchilarga sifatli va barqaror elektr energiyasi yetkazib berilishini taʼminlash va elektr tarmoqlaridagi avariyaviy holatlar oldini olish hamda mavjud elektr qurilmalarida taʼmirlash ishlarini olib borish maqsadida bugun, 25 aprel kuni qator manzillarda elektr taʼminoti vaqtincha o‘chiriladi.
"Toshkent shahar elektr tarmoqlari" MCHJ xabariga ko‘ra, quyidagi hududlarda elektr vaqtincha bo‘lmaydi:
Olmazor tumani: “Miskin”, “Achaobod”, “Xoncharbog‘” hamda “Guruchariq” MFYning ayrim hududlarida soat 10:00 dan 14:00 gacha;
Chilonzor tumani: “Qatortol” MFYning ayrim hududlarida soat 10:00 dan 17:00 gacha.
O‘z navbatida, yuqoridagi hududlarda taʼmirlash ishlari belgilangan vaqtdan avvalroq yakunlanishi mumkinligini bildirib o‘tilgan.
"Toshkent shahar elektr tarmoqlari" MCHJ mazkur taʼmirlash ishlari tufayli elektr taʼminotidagi vaqtincha uzilishlar sababli yetkazilayotgan noqulayliklar uchun ushbu hududlarda yashovchi isteʼmolchilardan uzr so‘ragan.
