Shvetsiyada Qurʼon yoqib yuborildi
Bu harakat politsiya himoyasida amalga oshirilgan.
Shvetsiyalik ayol politsiya himoyasida Qurʼon kitobini yoqib yubordi. Bu haqda Turkiya nashrlari xabar bermoqda.
Holat poytaxt Stokgolmda sodir bo‘lgan. Unda Jade Sandberg ismli islomga qarshi ayol politsiya himoyasida Qurʼoni karimni yoqib yuborgan.
Maʼlumotlarga ko‘ra, Shvetsiya politsiyasiga mamlakatda “Yevrovideniye” tadbiri boshlanishidan bir kun oldin, yaʼni3 may kuni Qurʼonni yoqish aksiyasini o‘tkazish bo‘yicha navbatdagi so‘rovnoma kelib tushgan.
Eslatib o‘tamiz, avvalroq Islom hamkorlik tashkiloti va uning ko‘plab aʼzolari Qurʼonning yoqib yuborilishini keskin qoralagandi. Shvetsiya rasmiylari bunday harakatlarga ruxsat beruvchi jamoat tartibi to‘g‘risidagi qonunni qayta ko‘rib chiqishni boshlashlari haqida xabar berishgan.
