BDKI Toshkent filiali Vasiylik kengashining anjumani bo‘lib o‘tdi

Renessans kino uyida Butunrossiya davlat kinematografiya instituti Toshkent filiali Vasiylik kengashi yig‘ilishi o‘tkazildi. Unda Kinematografiya agentligi direktori Firdavs Abduxoliqov, agentlik direktori o‘rinbosari Alisher Xadjayev, Kambag‘allikni qisqartirish va bandlik vaziri o‘rinbosari Raʼno Turdiboyeva, BDKI Toshkent filiali direktori va prorektorlari, taʼlimni muvofiqlashtirish bo‘limi vakillari qatnashdi.

 

Tadbirda filial faoliyati hamda 2024–2025 yilgi o‘quv yiliga mo‘ljallangan dastur ko‘rib chiqildi. Shu bilan birga, o‘quv yili bo‘yicha qabul rejasi tahlil qilinib, Kinematografiya agentligi tomonidan takliflar berildi.

 

 

Kengash davomida milliy kinematografiya darg‘alari Ali Hamroyev, Elyor Ishmuhammedov, Odelsho Agishev va Rustam Saʼdullayevlar so‘zga chiqib, yosh ijodkorlarga katta umid bildirib, kelgusidagi faoliyatlariga muvaffaqiyat tiladi.

 

Shuningdek, videokonferens-aloqa ko‘rinishidagi tadbirda BDKI rektori Vladimir Malishev so‘zga chiqib, kun tartibidagi masalalar yuzasidan fikr bildirdi, shuningdek, institut va talabalar faoliyatiga omad tiladi. Studentlar ham mamnuniyat bilan o‘zbek kinematografiyasiga sifatli filmlar taqdim etishlarini taʼkidlashdi.

 

 

Tadbir yakunida Badiiy kengash tomonidan o‘tkazilgan pitchingda g‘olib deb topilgan 9 ta loyiha mualliflari, BDKI talabalariga sertifikatlar topshirildi.