Bangladeshda 10 kishi issiqdan vafot etdi
Ayni payda harorat 40 darajadan yuqori.
Bangladeshda kuzatilayotgan jazirama sabab kamida 10 kishi halok bo‘ldi. Bu haqda mahalliy nashrlar xabar bermoqda.
Janubiy Osiyo respublikasining 17 ta hududida harorat 40 darajadan yuqori, Dakkada esa 41 darajadan yuqori. Bu ko‘rsatkichlar yilning shu davri uchun rekord hisoblanadi. Sinoptiklarning so‘zlariga ko‘ra, yaqin kunlarda havo anomal darajada issiq bo‘ladi.
G‘arbiy Bengaliya, Odisha va Bixarda havo harorati 45 darajaga yetdi. Janubiy Kerala shtatida ikki kishi g‘ayritabiiy ob-havo qurboni bo‘ldi.
Rasmiylar mahalliy aholini kun davomida ko‘chaga chiqmaslik, jismoniy faollikdan voz kechish va iloji boricha ko‘proq suv ichishga chaqirmoqda.
Avvalroq minglab bangladeshliklar shahar masjidlari va qishloq dalalarida yomg‘ir yog‘ishini so‘rab duo qilayotgani xabar qilingandi.
