Keniyada to‘g‘on buzildi: 42 nafar odam halok bo‘ldi
So‘nggi bir oyda Keniyada suv toshqinlari oqibatida 100 dan ortiq aholi qurbon bo‘ldi.
Keniyaning Kamuchiri qishlog‘ida kuchli yomg‘ir va suv toshqinlari tufayli to‘g‘on buzildi.
Mazkur hodisadan keyin ko‘plar uylar suv ostida qolib, yo‘llar to‘silgan.
“Qirq ikki kishi halok bo‘ldi va bu dastlabki ko‘rsatkich. Loy qatlami ostida hamon odamlar bor”, — dedi Nakuru okrugi gubernatori Syuzen Kixika.
Mahalliy OAV qutqaruv guruhlari poytaxt Nayrobidan 60 km uzoqlikda joylashgan May-Maxiu shahri yaqinidagi qishloqda omon qolganlarni qidirayotgani haqida maʼlumot berdi.
