Namanganda 60 yoshli erkak 7 yoshli qizga uyatsiz qiliqlar qilgani aytilmoqda
Holatga Bolalar ombudsmani munosabat bildirdi.
Namangan viloyati Yangi Namangan tumanida 60 yoshli erkak 7 yoshli qizga buzuq harakatlar qildi. Holat yuzasidan Bolalar ombudsmani rasmiy munosabat bildirdi.
Qayd etilishicha, 2024 yil 27 mart kuni voyaga yetmagan qiz J. S. ko‘chada o‘rtoqlari bilan o‘ynab yurgan vaqtida shu yerdan o‘tib ketayotgan I. B. qizni o‘z avtomashinasiga chiqarib, unga uyatsiz buzuq harakatlar qilgan.
Ushbu voqea yuzasidan joriy yilning 5 aprel kuni Namangan shahar IIO TB tomonidan I. B. ga nisbatan Jinoyat kodeksining 129-moddasi 1-qismi (o‘n olti yoshga to‘lmagan shaxsga nisbatan uyatsiz-buzuq harakatlar qilish) bilan jinoyat ishi qo‘zg‘atildi. Hozirda tergov harakatlari olib borilmoqda.
