Taniqli aktyor Mashrab Kimsanov vafot etdi
O‘zbekistonda xizmat ko‘rsatgan artist 69 yoshida, uzoq davom etgan xastalikdan so‘ng bu yorug‘ olamni tark etdi.
Bu haqda O‘zbekiston Kinoarboblari ijodiy uyushmasi xabar berdi. Uyushma marhumning oila aʼzolari, yaqin hamkasblari hamda butun ijod ahliga chuqur hamdardlik izhor qilgan.
Maʼlumot uchun, Mashrab Kimsanov "Vodillik kelin", "Olovli yo‘llar", "Otamdan qolgan dalalar", “Masxaraboz”, “Umid”, “Zebuzar”, “Hayot mamot”, “Haqiqiy erkaklar ovi”, "Sehrli qalpoqcha", "Onaginam orzusi" kabi ko‘plab filmlarda esda qolarli rollarni ijro etgan. Shuningdek, ijodkor "Tog‘lik kuyov" filmining postanovkachi rejissyori hisoblanadi.
Zamon.uz jamoasi marhumning yaqinlariga chuqur taʼziya bildiradi.
