15 nafar o‘zbekistonlik Rossiyadan majburan chiqarib yuboriladi
Migrantlar yo‘l bo‘yida ommaviy mushtlashib ketgan.
Krasnodar viloyatining Tuapse shahrida ommaviy mushtlashuv uyushtirgan 15 nafar O‘zbekiston fuqarosi mamlakatdan chiqarib yuborilishi maʼlum bo‘ldi.
Ijtimoiy tarmoqlarda ommaviy mushtlashuv aks etgan videolar tarqaldi. Unda bir guruh fuqarolar yo‘l bo‘yida mushtlashib, bir-biriga tan jarohati yetkazgan.
Shungan so‘ng, 2024 yil 24 aprel kuni Tuapse shahrida bo‘lib o‘tgan mushtlashuvda qatnashgan 15 nafar shaxs O‘zbekiston fuqarolari ekani aniqlandi. Ularning barchasiga nisbatan maʼmuriy javobgarlikka tortish to‘g‘risida qaror qabul qilingan.
Qo‘lga olinganlar neftni qayta ishlash zavodida ish olib borayotgan tashkilot xodimlari bo‘lgan.
