Toshkentda avtobus yo‘lovchilari bilan avariyaga uchradi
Holat yuzasidan rasmiy munosabat bildirildi.
Ijtimoiy tarmoqlarda avtobus yo‘l chetida turgan panjarani buzib tashlab, yo‘l-transport hodisasi sodir etganligi haqida xabarlar tarqaldi. Mazkur holat yuzasidan Toshshahartransxizmat AJ Matbuot xizmati rasmiy izoh berdi.
Maʼlum bo‘lishicha, ushbu YTH joriy yilning 30 aprel kuni Yakkasaroy tumani "Kichik halqa" yo‘lida sodir bo‘lgan.
Unga ko‘ra, 69-yo‘nalishli avtobus boshqaruvida bo‘lgan haydovchi S.R. boshqaruvni yo‘qotib, yo‘l chetidagi beton to‘siqqa urilgan.
Hozirda holat yuzasidan Toshkent shahar IIB YHX xodimlari tomonidan surishtiruv ishlari olib borilmoqda.
"Sodir bo‘lgan YTH yuzasidan korxonadagi barcha haydovchilar bilan yo‘nalishga chiqish oldi tushuntirish ishlari olib borildi",- deyiladi xabarda.
