Qoraqalpog‘istonda “metan zapravka” jarimaga tortildi
Maʼlum bo‘lishicha, shoxobcha muvofiqlik sertifikatisiz mahsulot sotgan.
Qoraqalpog‘iston Respublikasida joylashgan avtomobillarga gaz tarqatish kompressor shoxobchasiga muvofiqlik sertifikatisiz mahsulot uchun jarima qo‘llanildi.
O‘tkazilgan tekshirishda avtomobillarga gaz tarqatish kompressor shoxobchasi tomonidan 222,64 million so‘mlik siqilgan tabiiy gaz mahsuloti muvofiqlik sertifikatisiz realizatsiya qilinganligi aniqlangan.
Aniqlangan holatlar yuzasidan MJtKning 214-moddasi 1-qismi bilan maʼmuriy bayonnoma rasmiylashtirilgan. Shuningdek realizatsiya qilingan mahsulot qiymatining 50 foizi miqdorida jarima qo‘llash maqsadida iqtisodiy sudga kiritilmoqda.
Ichki yonuv dvigatellari uchun siqilgan tabiiy gaz mahsulotni sertifikatlashtirish yuzasidan yozma ko‘rsatma berildi.
