64 yoshli erkak velosipedda Parijga yo‘lga chiqdi
Rejaga ko‘ra, u 7 ta davlat hududini kesib o‘tadi.
Qozog‘istonning Mang‘istau viloyatida istiqomat qiluvchi Rabbim Borashev 26 iyuldan 11 avgustga qadar Parijda bo‘lib o‘tadigan Yozgi Olimpiya o‘yinlariga velosipedda jo‘nab ketdi.
Rabbim Borashev – Beyneu tumanida tug‘ilgan. 64 yoshda. Pensiya yoshiga qadar qurilish sohasida ishlagan. Oxirgi yillarda velosportga qiziqib qolgan va hattoki bir nechta velopoygalarda qatnashgan.
Uning so‘zlariga ko‘ra, Parijga velosipedda borish uchun alohida tayyorgarlik kerak. Rejaga ko‘ra, u 7 ta davlat hududini kesib o‘tadi va 5 ming kilometr masofani bosib o‘tadi.
