Rossiyada soliq idoralari marhum Navalniydan qarz undirishni talab qildi
Siyosatchining o‘limi hamon ko‘pchilikda shubha uyg‘otmoqda.
Federal soliq xizmatining Moskva bo‘yicha 23-sonli inspeksiyasi salkam ikki oy avval o‘lgan marhum rossiyalik muxolifatchi Aleksey Navalniydan qarz undirishni talab qildi. Ish kartochkasidan maʼlum bo‘lishicha, Moskva soliq idorasi 8 may kuni Rossiya Federatsiyasi poytaxtidagi 257-sonli sud okrugiga tegishli ariza bilan murojaat qilgan. Shu kuni sudya Danara Sangajiyeva soliq organlarining ish yuritish uchun arizasini qabul qilishdan bosh tortdi.
Avvalroq «terrorchilar va ekstremistlar» reyestrini yurituvchi Rosfinmonitoring Aleksey Navalniyni undan chiqarib tashlashdan bosh tortgandi, chunki "uning o‘limi haqida maʼlumot olmagan". Bu haqda departament aprel oyi boshida Rossiyaning SOTA nashri so‘roviga javoban maʼlum qildi.
Federal jazoni ijro etish xizmatining Yamal-Nenes avtonom okrugi bo‘yicha boshqarmasi 16 fevral kuni tushdan keyin Aleksey Navalniy Xarpdagi koloniyada vafot etgani haqida xabar berdi. Uning o‘limi haqidagi xulosada Aytilishicha, siyosatchi tabiiy sabablarga ko‘ra hayotdan ko‘z yumgan. Siyosatchining tarafdorlari uning o‘ldirilganiga ishonyapti.
