Jizzaxdagi restoranda bezorilar janjal chiqardi
Ular idishlarni sindirib, ovqatlanish shoxobchasi masʼullariga bosim o‘tkazishga uringan.
Jizzaxda restoranda bezorilik qilgan 9 kishi ushlandi. Ushbu shaxslarning barchasi Jizzax shahridagi 5 ta tungi klubda ish boshqaruvchi, hisobchi, ish yurituvchi, qo‘riqchi vazifalarida faoliyat yuritib kelgan. Ular voqea yuz bergan kechasi Mirzo Ulug‘bek mahallasida joylashgan restoranda “nima sababdan kechasi faoliyat yurityapsizlar?!” bahonasida bezorilik sodir etilgan.
Ular idishlarni sindirib, ovqatlanish shoxobchasi masʼullariga bosim o‘tkazishga uringan.
O‘z navbatida jabrlanuvchilarning murojaati asosida Jizzax viloyati ichki ishlar boshqarmasi tezkor qidiruv xizmati jinoyat qidiruv boshqarmasi xodimlari tomonidan qonunbuzarlarni qo‘lga olish choralari ko‘rilgan.
Sud qarori bilan gumonlanuvchilar mayda bezorilik hamda ichki ishlar organi xodimlarining qonuniy talablariga bo‘ysunmaganlikda aybdor deb topgan va ularning barchasiga 15 sutka maʼmuriy qamoq jazosi tayinlangan.
